College de Gisenyi Inyemeramihigo yongeye gufatwa n’inkongi y’umuriro

Nyuma y’iminsi ibiri ikigo cya College de Gisenyi Inyemeramihigo, gifashwe n’inkongi y’umuriro kuri uyu wa Kane icumbi ry’abahungu rwongeye gufatwa.

Mu ijoro ryo ku wa Mbere w’iki cyumweru, iri shuri ryisumbuye rya College de Gisenyi Inyemeramihigo riherereye mu Murenge wa Rugerero, mu Karere ka Rubavu, ryafashwe n’inkongi mu gice cy’amacumbi y’abahungu.

Kuri uyu wa Kane ahagana saa munani n’igice z’igicamunsi indi nyubako y’icumbi naryo ry’abahungu yafashwe n’inkongi.

Nk’uko byagenze ku nshuro ya mbere muri aya macumbi araramo abanyeshuri b’abahungu, ibikoresho byari birimo bimwe byahiriyemo gusa nta munyeshuri wahakomerekeye.

Ubuyobozi bwa Karere ka Rubavu bwavuze ko bwashyizeho itsinda ry’abatekenisiye bagiye gusuzuma ikibazo cyateye izi nkongi, zibasiye iki kigo cy’ishuri mu gihe cy’icyumweru kimwe gusa.

Abanyeshuri bagerageje kurokora bimwe mu bikoresho