U Rwanda rwashyikirije Afurika y’Epfo imodoka eshanu zari zibwe

Izo modoka zafatiwe ku mipaka ya Gatuna, Rusumo na Bugarama mu bihe bitandukanye, ubwo zageraga mu Rwanda ziturutse mu bihugu by’abaturanyi.

Igikorwa cyo guhererekanya izo modoka cyabereye ku cyicaro gikuru cy’Urwego rw’Ubugenzacyaha (RIB).

RIB yari ihagarariwe n’Umuyobozi w’Ishami rya INTERPOL mu Rwanda n’Ishami rishinzwe ubufatanye mpuzamahanga, Antoine Ngarambe, mu gihe Polisi ya Afurika y’Epfo yari ihagarariwe na Lt. Col. Brian Butana Mashingo, usanzwe ari umuyobozi ushinzwe Iperereza ku Binyabiziga Mpuzamahanga byakoreweho ibyaha.